![]() |
RUMOR VARIUS
|
Anno 1988 - fasciculum 69
Praefatio
. Salvete, dilectissimi legentes! Rumor Varius sum, amice Ruvius appellor. Decimum annum expleo, corpore similis sum coaequalibus meis, sed hoc differo, quod non Francogallice, non Anglice, non Theodisce, non Hispanice, non Arabice, non Sinice, nec ulla lingua moderna utor. Latine enim cogito, Latine loquor, Latine scribo. Amicos habeo ubicumque terrarum, quaecumque aetas est, epistulare commercium felicissime pergimus, de omnibus rebus sermonem habere placet. Quis me beatior? Prospere valeo et vigeo, sed auxilio consiliisque vestris opus est ut crescam in annos et optima valetudine fruar. Cura mea est ut omnes aliquid oblectamenti in me semper inveniatis: me familiariter utimini, mihi confidite, assidue mecum estote, mecum vos delectate. Puerulus sum — non nego — tota ingenii acies iam patet. Curate ut valeatis. Scripta vestra libentissime exspecto. Valete, dulcissimae dominae dominulaeque, vosque valete, clarissimi domini. Florindo Di Monaco |
|
© Editions Eclectica 2006-2009 | Contact Réalisation NetOpera | PhotOpera |