RUMOR VARIUS
Anno 1986 - fasciculum 59
.
* Singula ad hoc decretum legere: "Non olet!"
Praefatio
.
De conventu annuo a sociis operis Turici nuper habito
Egregii legentes,
Die III mensis Maii collegae Rumorem Varium edentes sessiunculam nostram annuam Turici in aedibus AKADis habuimus. Quo in conventu aderant socii nostri Dr. Emanuel Bernard, Dr. Guarnerius Fridericus Ebel(ius), Danielis Weissmann Martinusque Meier, domina Barbara Maier, Dr. Georges Durtschi rector scholae AKADis, qua Rumor Varius semper subsidiis alitur, et ego, qui omnes socios ad sessiunculam ineundam invitaveram.
Hic conventus — ut iam cuncti priores habiti — maxime laetus evenit. Initio enim Dr. Ebel(ius), quem auctorem multarum fabularum Rumore Vario adhuc divulgatarum "AMICUM" nominatum novistis, allocutione sua "De cohorte praetoria pontificia Helvetica" omnes delectavit. Orationem eius huic fasciculo inscriptam invenietis! Vertite paginas, legite et gaudete! Quid moror? Hac oratione audita maximo plausu honorata tractavimus quaestionem, quomodo efficeremus, ut numerus eorum, qui nobis symbolas Latine compositas Rumore Vario publicandas mittunt, futuris temporibus semper augeatur.
Postquam per unam fere horam disputavimus, decrevimus, ut futuris temporibus cuique auctori symbolae nobis missae Latine compositae, quae Rumori Vario imprimatur, praemium forma pecuniae sive aeris solvatur. Martinus Meier vobis in praesenti fasciculo singula ad hoc decretum pandit*. Speramus eos inter vos, cari legentes, qui adhuc nobis symbolas Latine compositas mittere ausi non sint, hoc decreto adiutos bonum animurn capturos et futurum esse, ut se auctores fabularum Latine compositarum et exerceant et praebeant!
Postquam per unam fere horam disputavimus, decrevimus, ut futuris temporibus cuique auctori symbolae nobis missae Latine compositae, quae Rumori Vario imprimatur, praemium forma pecuniae sive aeris solvatur. Martinus Meier vobis in praesenti fasciculo singula ad hoc decretum pandit*. Speramus eos inter vos, cari legentes, qui adhuc nobis symbolas Latine compositas mittere ausi non sint, hoc decreto adiutos bonum animurn capturos et futurum esse, ut se auctores fabularum Latine compositarum et exerceant et praebeant!
Prima parte sessiunculae expedita, qua res ad fasciculos Rumoris Varii pertinentes tractaveramus, ad secundam partem conventus transgressi sumus ex aedibus AKADis in deversorium vicinum, ut animos disputationibus delassatos vino dulci sive aqua minerali restitueremus. Quo conventu denuo apparuit, quanta vis insit studio et amori Latinitatis quantamque amicitiam conciliare possit inter homines habitantes in terris Europae a patria nostra quamvis remotis.
Curate, ut valeatis, cari amici, qui hunc libellum legetis. Feriae aestivae vobis felices laetaeque eveniant! Cordialiter vos saluto.
Udalricus Aeschlimann
Dabam Turici, die XXX mensis Maii anno MCMLXXXVI
Dabam Turici, die XXX mensis Maii anno MCMLXXXVI
* Singula ad hoc decretum legere: "Non olet!"