AMICUS, natione Germanus, civitate Berolinensis, omnibus suis legentibus cum praesentibus tum futuris benevolentibus faventibusque ubique locorum terrarumque gentiumque, imprimis autem (con)foederatis suis Helvetiis carissimis, spectatissimis, filiis filiabusque e stirpe Guilelmi Telli praeclari, praestantis, praecellentis, propugnatoris, defensoris, servatoris soli patrii Helvetici sacrosancti, salutem plurimam dicit, nuntiat, adscribit, impertit, admandat, mittit, offert, ominatur faturque. Feliciter Vobismet omnibus, macte virtute et diligentia, macte ingenio et animo, bonum factum, havetote!

AMICUS filiis filiabusque Helveticis etiam et etiam sa1utem!

Die Saturni XXII° mensis Augusti seu Sextilis anno MCMLXXXI° in concessu festo Turici in oppido Helvetiae habito memetipso a sodalibus collegii redactorum commentariorum diurnorum quibus titulus “RUMOR VARIUS� in numerum redactorum plausibus clamoribusque communi consilio unaque voce unoque ore et consensu concordique omnium, qui adfuerunt, concentu sollemniter approbato et aggregato et adscito et plus aequo honorato laudibusque ornato hodie tandem laetitia abundante, fortuna secunda immensa omnino superatus et victus et oppressus grates laudesque agere persolvereque tribuereque meum est (officium). Auspicium illud ex acuminibus bonum et laudabile et ratum, quod caelitus divinitusque accidit, libenter accipio. Optata mihi Deo volente contigerunt. Ex adyto tamquam cordis et ab imo pectore et summas et intimas et maximas, amici mei spectatissimi, gratias habeo viris illustribus collegii, viris omnibus his excellentibus, praestantibus summis ingenii facultatibus ornatis praeditisque, exempli gratia: Emanueli Bernardo, doctori philosophiae celeberrimo, Georgio Blicario, doctori philosophiae spectabilissimo, Martino Maiori maxime colendo atque nominatim Udalrico Aeschlimanno, licentiato philosophiae valde observando. Omnibus his viris incomparabilibus de Latinitate colenda et provehenda summe meritis, clarissimis, optumis, maximis, etiam et etiam laudes offerre et agere et persolvere et tribuere mihi opus est cupereque, ut et protinus amicitiam, benevolentiam, favorem mihi assidue praebere pergant. Omnibus his viris benevole probantibus et iuvantibus memet munus sodalis collegii redactorum grato animo initurum et accepturum, munus observanter summaque cum fide obiturum et sustenturum et gesturum, munere magno bona sententia omni tempore functurum, muneri excelso assidue toto animo ac studio omni, omnibus viribus atque opibus ac nervis praestaturum esse affirmate polliceor, promitto, despondeo, voveo conceptisque verbis iusiurandum patrare mihi cordi est. Id enim agere, id spectare, hoc mihi proponere, ut Latinitatem colendam coniunctim provehamus per totam Europam, per totum etiam mundum, in totum orbem terrarum, in omne universum mihi maxime semper cordi erit. Singularietenim studio colamus ad unum omnes Latinitatem ubicumque terrarum, divulgemus et in vulgus edamus elegantiam linguae Latinae quoquo gentium locorumque. Qui est virtutis fons? Fontem enim virtutis studium bonarum artium esse constat, id est ingenium excolere disciplinis. Haec est vera varietas, vera universitas litterarum.

Dabam meapte manu, Berolini in urbe, die Solis 1° mensis Novembris anno MCMLXXXI°.