Dies sollemnis ortus Christi primum Romae ante diem VIII. Kalendas lanuarias (1) celebratus est. Verisimile est hunc diem referendum esse ad diem festum brumae (2), qui temporibus antiquis eodem die celebratus "dies natalis invicti" appellatus erat. Inde hoc nomen facile in Christum transferri poterat.

Quomodo mos arboris candelis (3) ornatuque (4) die natali Christi ornandae ad nos venerit incertum est. Alii dicunt hunc morem originem trahere ex laureo (5) vel ex olea (6), quibus Romani antiqui die festo brumae usi sint, alii putant hunc morem referendum esse ad diem festum brumae, quem Germani antiqui celebraverint arboribus in honorem deorum saluti plantarum consulentium erigendis.

Re vera autem hic mos in Germania ante saeculum XVII post Christum natum non invenitur; modo saeculo XIX. communis factus est.