In Rumore Vario, qui Idibus Septembribus editus est, redactor noster Henricus Hürzelerus scripsit se desiderare omnes verba Latina vitae modernae aptata inventuros esse et sibi ad publicandum missuros esse. Scripsit praeterea idem Henricus verbis Latinis referre esse rem faciliorem factu futuram, ubi primum scribentibus verba idonea modernae vitae aptata sint.

Velim omnes Rumorem Varium legentes certiores facere iam nunc indicem verborum (1) exsistere, qui plurima verba Latina vitae modernae aptata contineat. "Langenscheidts Taschenwörterbuch der Lateinischen und Deutschen Sprache" suum nomen est.

Quo in libello non modo vetera verba Latina, sed etiam verba huius aetatis (2) invenies velut globus atomica vi displodens (id est lingua Germanorum Atombombe) aut velut bicyclus (id est lingua Germanorum Fahrrad) et multa alia.

Hic libellus parvus a professore Hermanno Mengeo (3) scriptus parvo pretio in omni taberna libraria (4) ematur. Si hunc indicem verborum emes, a necessitate verborum vitae modernae aptatorum inveniendorum absolveris neque aliquas difficultates habebis referendo Latinis verbis in nostro libello Rumore Vario.

Spero omnes, qui adhuc epistulam in Rumore Vario publicandam scribere modo in animo habuerint, nunc non diutius hoc conatu destituros (5) esse! Ceterum omnes, qui nobis scribere velint, memores sint diem ultimam (6) mittendi scriptum esse quintum diem cuiusque mensis! Ratae partes, quae post quintum diem mensis in domo editoria advenire solent, in libello mense posteriori edito demum publicabuntur.