Auctor praefationis in hoc libello tantum paucis verbis uti volo. Nam mirum est intellectu quantum numerus ratarum partium a legentibus propria manu scriptarum creverit. Apparet multos legentes praefationem meam superiore mense in hoc libello scriptam legisse! Gratias ago omnibus, qui Rumori Vario adhuc litteras publicandas miserunt velut iis, qui tales litteras nobis missuri sint.

In litteris nobis adhuc missis nonnulla consilia inveniuntur, quae ad argumenta in Rumore Vario inventa pertinent. Haec consilia non modo in Rumore Vario divulgabimus, quandocumque poterimus, sed etiam in pectus animumque demittemus. Gratias ago etiam iis, qui nobis scribunt se Rumorem Varium ob aliquas causas diligere non posse. Operam dabimus ne talia argumenta temporibus futuris valeant.

Sed ut ratis partibus a legentibus Rumori Vario missi spatium in hoc libello sufficiat, verbum non amplius addam.