RUMOR VARIUS
Anno 2005 - fasciculum 153
.
Praefatio
.
Amicae et amici nostri!
Ecce nonnullae sententiae nuper in institutionis "Sacrificii ieiunii (Fastenopfer)" calendario inventae, quod quotannis ante dies paschales edi solet:
Noli queri, quod deus tigrem creavit, sed gratias age deo, quod alas ei non dedit.
Proverbium Angoliense
Vis ibi exoritur, ubi homines loqui desinunt.
Hannah Arendt (1906-1975), philosopha Germana
Homines fortasse obliviscantur, ubi fumatorium pacis infossum sit, sed numquam obliviscuntur, ubi securis belli iaceat.
Mark Twain (1835-1910), scriptor Americanus
Iura humana hodie laesa caedes futuras efficiunt.
Kofi Annan(*1938), praeses Nationum Unitarum
Nemo lacrimas alterius abstergere potest et manus suas non madefacere.
Proverbium Africanum
Ubi sunt sclopeta, ibi non sunt progressio et incrementum.
Sententia Sudaniensis meridiana
Flos, qui vi decerpitur, odorem amisit.
Proverbium Arabicum
‘Oculus pro oculo’ tantum efficit, ut mundus caecus fiat.
Mahatma Gandhi, (1869-1948), Indus
Si nullum hostem intra nos ipsos habemus, hostis externus nobis nocere non potest.
Proverbium Africanum
Si manu pugnum facis, neque imponere aliquis aliquid tibi potest neque accipere manu quicquam potes.
Proverbium Africanum
Didicimus volare ut aves et natare ut pisces; sed obliti sumus vivere ut sorores et fratres.
Martin Luther King (1929-1968)
Si vim sero, vis me metet.
Anke Maggauer-Kirsche (*1948), Germana, ministra senum
Legatis, meditemini, cogitetis, agatis, cari legentes! Praeterea nolite oblivisci nostri argumenti libelli 5+6/2005: De religionibus! Maximas gratias vobis agimus!
Valete!
Daniel Weissmann
Daniel Weissmann