Est medicus quidam Diaulus,
cui datum cognomen est Saulus,
nam aegros necabat
nec bene curabat.
Quo tempore tandem fit Paulus?


Poëta, qui carmina fecit,
in rivum haec omnia iecit.
Cum vigil videret,
qui aquam deleret,
in vincula eum coniecit.


Est VARIVS RVMOR libellus,
quo gaudeat etiam asellus.
Sed eum egenus
opumque non plenus
non sacciger emit misellus.


Discipulos amet magister,
at ne sit eorum minister!
Nam si imperabunt,
quae volunt, tractabunt.
Hic ordo dicetur sinister.


Athleta birotula usus
certamine facto confusus
et interrogatus,
cur sit superatus:
“Sum inter limaces inclusus!�


“Mi theam afferte!� damnatus,
quid ultimum vellet, rogatus
respondit. “Sed ne
mel adicite,
nam sum diabete vexatus.�


“O tempora�, dixit, “o mores!�
is Tullius olim dolores
et curas ostendens.
De caelo descendens
quos nos nunc haberet factores?