Magister ille, quem videtis, hospites,
ait studentium fuisse pessimus,
neque ullius bibentis impetum siti
nequisse praeterire, sive heminam
opus foret vorare sive dolium.
Et hoc negat minacis matrimonii
domum negare, pupulasve gaudii,
scholamque nobilem infimosque milites,
ubi iste post magister antea fuit
et impudicus et vorax et aleo.
Taberna frigida et lupanar aestuas,
tibi haec fuisse et esse cognitissima,
ait magister; ultima ex origine
tuis stetisse dicit in cubilibus,
tuo imbuisse lectuloque mentulam.
Et inde tot per inhonesta gaudia
merum bibisse, laeva sive dextera
petiret aera basians adultera.
Sed haec prius fuere, nunc in cathedra
sedet magister seque dedicat tibi,
iugalis uxor uxorisque servitus.